Сургалтын төлбөрөө буцаан авч чадаагүй Монгол оюутнуудын асуудал Ирландын Засгийн газрын анхааралд хүрлээ
Монгол оюутнуудын буцаан олголтын асуудлаар удаа дараа тавьсан хүсэлтийн дараа олон улсын суралцагчдын эрхийг хамгаалах арга хэмжээг нэмэгдүүлж байна.
Ирланд улс дахь Монгол Улсын Өргөмжит консул Кэтрин Хини Монгол оюутнуудын англи хэлний сургалтын байгууллагуудтай холбоотой сургалтын төлбөр, барьцаа мөнгөний буцаан олголт болон сургуулиуд үйл ажиллагаагаа гэнэт зогсоосон асуудлаар Ирландын Further and Higher Education, Research, Innovation and Science-ийн сайд Жеймс Лоулесс Т.Д.-д төлөөлөл хийсний үр дүнд англи хэлний сургалтын салбарын зохицуулалтыг сайжруулах чиглэлээр арга хэмжээ авч эхэлсэн талаар мэдэгдлээ.
Монгол оюутнуудын хувьд сүүлийн хугацаанд сургалтын байгууллагууд визийн асуудлаас шалтгаалан суралцах боломжгүй болсон тохиолдолд төлбөрөө буцаан авч чадахгүй удах, зарим сургалтын байгууллага оюутнуудад урьдчилан мэдэгдэлгүйгээр үйл ажиллагаагаа зогсоох зэрэг асуудал гарч байсан.
Өргөмжит консулын мэдээлэлд эдгээр асуудал нь зөвхөн Монгол оюутнуудад хамаарахгүй бөгөөд Ирландад суралцаж буй олон улсын оюутнуудын эрх ашгийг хамгаалах тогтолцоог бэхжүүлэх шаардлагатай байгааг онцолжээ.
Виз татгалзсан тохиолдолд төлбөрийг буцаах зохицуулалттай
Ирландын Interim List of Eligible Programmes (ILEP)-д бүртгэлтэй англи хэлний сургалтын байгууллагууд олон улсын оюутнуудаас визийн шийдвэртэй холбоотойгоор урьдчилан төлбөр авахдаа тодорхой шаардлагыг мөрдөх ёстой.
Тухайлбал, визийн шийдвэр гарах хүртэл урьдчилгаа төлбөрийг escrow, delayed-payment эсхүл тусдаа client visa/escrow дансанд хадгалах зохицуулалттай.
Хэрэв визийн хүсэлт татгалзсан тохиолдолд холбогдох төлбөрийг, зөвшөөрөгдсөн суутгал байвал түүнийг хассаны дараа 20 ажлын өдрийн дотор буцаан олгох шаардлага тавигддаг байна.
Гэхдээ энэхүү зохицуулалт нь гуравдагч этгээдийн агент, зуучлагчаар дамжуулан төлсөн бүх мөнгөнд автоматаар адил үйлчлэхгүй болохыг оюутнууд анхаарах шаардлагатай.
БАРЬЦАА МӨНГӨӨ БУЦААН АВААГҮЙ БОЛ ЦАГДААД МЭДЭГДЭЖ БОЛНО
Өргөмжит консулын мэдэгдэлд буцаан олгох ёстой байсан барьцаа мөнгөө авч чадаагүй оюутнууд энэ асуудлыг Ирландын цагдаагийн байгууллага болох An Garda Síochána-д мэдээлэхийг зөвлөсөн байна.
Өөрөөр хэлбэл, сургалтын байгууллагаас буцаан олгох ёстой мөнгийг өгөөгүй бөгөөд асуудлыг шийдвэрлэх боломжгүй болсон тохиолдолд оюутан An Garda Síochána-д мэдээлэл гаргаж болно.
An Garda Síochána – Ирландын цагдаагийн байгууллага
Албан ёсны холбоо барих мэдээлэл:
Мэдээлэл гаргахдаа дараах баримтуудыг бүрдүүлэх нь зүйтэй.
Сургуулийн гэрээ болон enrolment letter
Төлбөр төлсөн баримт
Барьцаа мөнгө төлсөн баримт
Refund policy
Сургуультай харилцсан email, мессеж
Буцаан олголт хүссэн хүсэлт
Сургуулийн өгсөн хариу
Визийн татгалзсан шийдвэр / холбогдох баримт
Агенттай байгуулсан гэрээ, харилцааны баримт
Цагдаад хандах нь сургалтын байгууллагаас мөнгөө буцаан авахыг баталгаажуулсан гэсэн үг биш бөгөөд тухайн нөхцөл байдалд гэмт хэрэг, зөрчил байж болзошгүй эсэхийг эрх бүхий байгууллага үнэлнэ. Тиймээс оюутнууд өөрсдийн баримтыг бүрэн хадгалах нь чухал.
TRUSTED IRELAND ШИНЭ ТОГТОЛЦОО НЭВТЭРЧ БАЙНА
Ирланд улс олон улсын оюутнуудын эрх ашгийг хамгаалах зорилгоор TrustEd Ireland нэртэй шинэ тогтолцоог нэвтрүүлж байна.
Энэхүү тогтолцоо нь сургалтын байгууллагын:
боловсролын чанар;
оюутны үйлчилгээ;
сургалтын хөтөлбөр;
элсэлтийн үйл явц;
олон улсын оюутанд үзүүлэх дэмжлэг;
чанарын баталгаажуулалт;
оюутны эрх ашгийн хамгаалалт
зэрэг асуудлыг илүү өндөр стандартаар үнэлэх зорилготой.
TrustEd Ireland-ийн шаардлагыг ханган зөвшөөрөл авсан сургалтын байгууллагууд мөн үндэсний Learner Protection Fund-д оролцох шаардлагатай болох юм.
Ирландын Quality and Qualifications Ireland (QQI) байгууллага TrustEd Ireland-ийн анхны зөвшөөрөл авсан англи хэлний сургалтын байгууллагуудын талаар 2026 оны наймдугаар сарын 5-нд мэдээлсэн байна.
МОНГОЛ ОЮУТНУУД ЮУГ АНХААРАХ ВЭ?
Ирландад англи хэлний сургуульд элсэхээр төлөвлөж буй оюутнууд төлбөрөө хийхээс өмнө сургуулийнхаа эрх, статус болон буцаан олголтын нөхцөлийг сайтар шалгах шаардлагатай.
1. Сургуулийн статусаа шалгах
Тухайн сургалтын байгууллага олон улсын оюутан элсүүлэх эрхтэй эсэхийг албан ёсны эх сурвалжаас шалгах.
2. Refund-ийн нөхцөлийг бичгээр авах
Виз татгалзсан тохиолдолд хэдий хугацаанд, ямар нөхцөлөөр мөнгө буцаахыг сургуулиас бичгээр авах.
3. Төлбөрийн бүх баримтыг хадгалах
Банкны шилжүүлэг, invoice, receipt, гэрээ болон сургуулийн email-үүдийг хадгалах.
4. Агент болон сургуулийн төлбөрийг ялгах
Мөнгийг яг хэнд, ямар зориулалтаар төлж байгааг тодорхой болгох. Агент руу төлсөн төлбөр болон сургуулийн төлбөрийн эрх зүйн зохицуулалт ялгаатай байж болно.
5. Сургууль хаагдсан эсвэл refund өгөхгүй байгаа бол баримттайгаар хандах
Эхлээд сургуулийн албан ёсны complaint procedure-ийг ашиглаж, асуудал шийдэгдэхгүй бол холбогдох байгууллагуудад хандах шаардлагатай.
Энэхүү мэдэгдэл нь өмнө нь сургуулиудаас мөнгөө буцаан авч чадаагүй Монгол оюутнуудын асуудлыг автоматаар шийдвэрлэсэн гэсэн үг биш. Харин цаашид олон улсын оюутнуудыг илүү сайн хамгаалах зохицуулалтыг бэхжүүлэх чиглэлд анхаарал нэмэгдэж байгааг харуулж байна.
Монгол оюутнуудын хувьд хамгийн чухал нь: мөнгө төлөхөөсөө өмнө сургуулиа шалгах, refund-ийн нөхцөлийг бичгээр авах, бүх баримтаа хадгалах, буцаан олголтын асуудал үүссэн тохиолдолд албан ёсны сувгаар гомдол гаргах явдал юм.
Comments